ڈیرہ اسماعیل خان میں سیکیورٹی فورسز نے انٹیلیجنس بیسڈ آپریشن میں 4 خوارج ہلاک ہوگئے۔
پاک فوج کے شعبہ تعلقات عامہ (آئی ایس پی آر) کے مطابق ڈی آئی خان میں سیکیورٹی فورسز نے انٹیلیجنس بیسڈ آپریشن کیا اس دوران فائرنگ کے تبادلے میں 4 خوارج مارے گئے۔
ترجمان پاک فوج کا کہنا ہے کہ آپریشن میں خوارج کے ٹھکانے کو موثر انداز میں نشانہ بنایا گیا، ہلاک خوارج سے اسلحہ اور گولہ بارود برآمد کرلیا گیا ہے۔
آئی ایس پی آر کا کہنا ہے کہ ہلاک دہشت گرد متعدد کارروائیوں میں ملوث تھے۔
ترجمان پاک فوج کا کہنا ہے کہ دہشت گردوں کے خاتمے کے لیے علاقے میں کلیئرنس آپریشن جاری ہے، سیکیورٹی فورسز ملک سے دہشت گردی کے مکمل خاتمے کے لیے پرعزم ہیں۔
واضح رہے کہ لکی مروت میں سیکیورٹی فورسز نے انٹیلیجنس بیسڈ آپریشن کیا اس دوران شدید فائرنگ کے تبادلے میں 4 خوارج مارے گئے تھے۔
ترجمان پاک فوج کا کہنا تھا کہ بھارتی حمایت یافتہ ہلاک خوارج سے اسلحہ و گولہ بارود برآمد کیا گیا۔
آئی ایس پی آر کا کہنا تھا کہ ہلاک دہشت گرد متعدد کارروائیوں میں ملوث تھے۔
