پاکستان نے دوسرا مقامی ساختہ سیٹلائٹ ’’ای او2‘‘ کامیابی سے لانچ کردیا، سیٹلائٹ چین سے کامیابی کے ساتھ خلا میں روانہ کیا گیا۔
آئی ایس پی آر نے جاری بیان میں بتایا کہ پاکستان نے خلائی صلاحیتوں میں ایک اور اہم سنگ میل عبور کرلیا، پاکستان کا ای او2 سیٹلائٹ چین سے کامیابی کے ساتھ خلا میں روانہ کیا گیا، اسپارکو نے چین کے یانگ جیانگ سی شور سینٹر سے ای او2 لانچ کرکے اہم سنگ میل عبورکیا۔
اسپارکو کا ای او2 منصوبہ بندی اور وسائل کے انتظام کےلیے اہم ڈیٹا فراہم کرےگا، سیٹلائٹ زمین کے مشاہدے اور امیجنگ کی صلاحیت بڑھائےگا۔
پاکستان کے سیٹلائٹس کے بیڑے میں اضافہ ہوگیا، مشاہدات کی تسلسل اور درستگی بہتر ہوگی، سیٹلائٹ حکمرانی، آفات کے انتظام اور اسٹریٹجک منصوبہ بندی میں معاون ثابت ہوگا۔
آئی ایس پی آر نے بتایا کہ قومی منصوبہ بندی اور وسائل کے انتظام میں ای او2 مددگار ثابت ہوگا، پاکستان میں مقامی ای او2 سیٹلائٹ کی تیاری میں خودانحصاری کی طرف بڑا قدم ہے۔
فوج کے شعبہ ابلاغ عامہ نے بتایا کہ سیٹلائٹ اسپارکو کے ریسرچ اینڈ ڈیولپمنٹ سینٹر میں مقامی طور پر تیار کیا گیا، ای او2 کی تیاری مکمل طور پر اسپارکو کے انجینئرز نے کی۔
